काठमाडौं, साउन १७। नायक अनमोल के.सीको पाचौ चलचित्रको लागि नायिका फाईनल भएको छ। चलचित्र ‘कृ’मा अनमोल नयाँ नायिकासँग रोमान्स गर्न भएका छन्।

यसै चलचित्रमा अनमोलले २० लाख पारिश्रमिक लिएका थिए। अनमोलले काम गर्न समझौता भए देखी चलचित्र निर्माणपक्ष नायिकाको खोजीमा लागेको थियो । यस अघिका चारै वटा चलचित्रमा अनमोलले नयाँ नायिकासँग काम गरेका छन्।

नायिकाको खाजीसँगै ३०जनाले निवेदन दिएका थिए भने त्यस मध्यमा १० जना छनोट गरिएको थियो। १० जनाको अडिसन पछि मुख्य भुमिकाको लागि मोडल अदिती वुढाथोकी फाइनल भएकि छिन् ।अदिती चर्चित मोडल हुन।



उनको समाजिक सञ्जाल इन्टाग्राममा १लाख भन्दा फलोअर्स छन्। भारतको चर्चित म्युजिक कम्पनि सोनी म्युजिक बाट बन्न लागेको ३ म्युजिक भिडियोमा काम गर्नको लागि उनले सम्भौता गरिसकेकी छने भने त्यस्तै भारतको चर्चित टेलिभिजन कार्यक्रमको लागि आफू छनोट भएको पनि बताएकी छिन् ।

उनी चलचित्र ‘कृ’ को अडिसन दिएर मुम्बई पुगेकी थिईन् । यस्तै भारतका चर्चित डिजाइनरको पहिरनमा विज्ञापन र प्रिन्ट एडहरु काम गर्न लागेको उनको भनाई छ।

बलिउड चलचित्रको तयारीमा रहेकी अदिति झापा,दमककी हुन भने हाल सिनामंगलमा बस्छिन्। उनको समाजिक संञ्जालमा राम्रो फ्यान फलोइङ रहेको छ।



सुवास इन्टरटेन्मेन्टको ब्यानरमा निर्माण हुन लागेको चलचित्रलाई द सुपर काजोल फिल्मसले प्रस्तुत गर्न लागेको हो । चलचित्रमा सुवास गिरी र भुवन के.सी निर्मात्रा रहेका छन्।

चलचित्रको छायाँकन माघबाट सुरु हुने भएको छ भने यसै चलचित्रको लागि अनमोल के.सीले तालिम लिईरहेका छन्। चलचित्रको निर्देशन भने सुरेन्द्र पौडेलले गर्ने छन्। यस अघि उनले ‘आभाष ‘ निर्देशन गरेका थिए।